BOOK OF LIFE

Shikayat kyon karte ho tum Yeh to fitrat hai insaani Musibat ke waqt dostana badal hi jaata hai... Tum jagate rahe saari raat ek mulaqat ke waste... Woh Chand, taaron ke saath sair par nikal jaata hai... Tasveer na ho mere pass uski... fir bhi... Uske naam se hi... apni namaz-e-ibadat ka kota poora ho hi jaata hai.. RA

Ek Bandar Bahut Sundar Jiske Hirdey mein Shri Siya-Ramchandar...

Badi ajeeb beeti apni dastan-e-muhabbat... Shuru nazarein milane se hui... Khatam nazarein choorane se hui... RA... Yeh Chand bhi... bada shaitan hai... Zamane ke sote hi... khidki ke raste mere bistar par utar aata hai... RA.

Jo mujhse sach sunogi... to un shabdon se sulag jaogi... Sharm se jeete jee marr jaogi... Accha rahega meri zindagi mein mat jhako-tako... Jitna kareeb aaogi... mujhe khudse utna hi door paogi... RA.

Jab kabhi apni zindagi ke panne palat kar dekhata hoon to yeh 03 pal yaad aate hai... tab lagta hai' koi to hai... kahin to koi hai... Shirdi... Aisa lag raha tha ki main Shirdi ja nahi raha hoon... koi bula raha hai... khud ba khud aise circumtances bante gaye ki aisa lagne laga ki koi bula raha hai... Diwali time sab train mein reservation full tha... fir bhi mujhe reservation easily mil gaya... jab reservation chart dekha to ek nai baat nikali... maine apna ticket sleeper mein karwaya tha... parantu reservation chart mein change kar mujhe 3rd AC mein kar diya... Maine payment sleeper ka kiya par anand 3rd  AC ka uthaya... Train mein bhi  Shirdi jaane wali ek family mil gai... jo mujhe easily apne saath Shirdi le gaye... Hotel dilwa diya... warna single ko Shirdi mein jaldi koi hotel nahi deta... unhone hi darshan karwane mein help ki... sab kuch apne aap hota hi ja raha tha... jaise koi purv hi yojana bani ho... Wahan par mujhe ek baba dikhe... Sai baba ki veshbhusha mein.....

Tumhein apne subh-asubh karmo ka fhal avashya hi bhogana chahiye. Yadi bhog apurn reh gaya to punarjanam dharan karna padega, isliye mrityun se yeh srehaskar hai ki kuch kaal tak unhein sehar kar purv janmo ke karmo ka bhog samapta kar sadev ke liye mukt ho jao.

Hazaron diye jalte the uske chabutarein par... Hazaron suut dhaga bandha tha mannaton wala... Hazaron bhagwan rehte the uski chhaon mein... Kal us pedh ko Nagar Nigam ke bulldozer ne ukhad diya... RA

Sharir Ek Rath Hai... Aatma uska swami tatha Buddhi saarthi hai... Mann lagaam hai aur Indriyaan uske ghodhe... Indriyein-Nriyantran hi uska rath hai...

Rama aur Krishna mahan avtari hote hue bhi atmanubhuti ke liye Rama ko apne guru Vishistha aur Krishna ko apne guru Sandipani ki sharan mein jana pada tha...

Yeh satya hai ki samastha praniyon mein chaar baatein ek samaan hai -  Aahar,  Nidra,  Beh aur  Maithun...  Parantu manav prani ko GYAN ek vishesh dain hai, jiski sahayata se hi vah ishwar-darshan kar sakta hai, jo anya kisi yoni mein sambhav nahi... 

mere mann kachu aur hai...  Vidhata ke kachu aur...

Ishwar, Raja, Sant ya Guru ke darshan,  apni samartha anusar bina kuch arpan kiye, kabhi na karna chahiye... RadhaSoami Ji 🙏

Vidhata ki rachana kuch aisi vichitra hai ki is sansar mein poorn sukhi koi nahi...  sivaye Sant ko chhod kar...

DELETE

Na jaane kaise beetegi yeh sardi ki raatein Chand se bhi nahi hoti hai mulaqatein... Aankhon se oos ban aansoo gira karte hai Dhund mein hum uske deedar ke intezar mein taraste hai... Yeh koyla ki jalti hui aag dil mein mohabbat ki lau ko aur bhadka rahi hai Sard hawa mehbooba ban shawl ko cheerati hui jism se lipatati ja rahi hai... Hoonth khushk hai... bheegana chahte hai... Hum is thand ko umarbhar ke liye yaadgaar banana chahte hai... Na jaane kaise beetegi yeh sardi ki raatein... #Romil Arora

Gar mere haaton mein waqt ki door aa jaye, main use fir wapas mod doon... Woh "Amrat" namak ki factory ... pasijati hui deewarein... Woh suit pehna hua shaks... mera baap... Woh "Chutki" supari ka godown... woh neela packet... Woh godown/ factory ke peeche Ghodon ka astbal... Woh servant room... Jahan aksar jakar chhup jana... mitti khelana... Ghodon ke chehron/ gardano par haath malna... Woh ghar... jiske aangan mein speed car chalana... din bhar... Woh ghar ke peeche wala baag... peepal ka ped... kele ka ped... jahan kanche khelana... kanche chupana... khurpi lekar bematlab ki khudai karte rehna... mitti ikattha karte rehna... Bas waqt ki door ek baar mere haath mein aa jaye... main ise wapas mod doon... #Romil Arora

Door se suni hai apni tarif bahut tumse Kabhi kareeb  aao baahon mein bharkar peeth bhi thap-thapa do yaar... ===  Yeh jo likhkar tana marne ki aadat hai tumhari... sach mein bahut kharab hai... Jo baatein sunani hai samne aakar suno lo yaar... ===  Meri qamyabi, meri tarakki, meri khushi, mera sukh sab tumhare haaton mein hai... In baaton ko jitna jaldi samajh jao.... utna accha hai yaar... === Bahut baras ho gaye indradhanush nahi dikhata hai aasman mein... Kabhi samne aakar humko apne har rang se wakif karwa do yaar... RA

Aye Chand !!! Chalte-Chalte thak gaye hoge, Chalo Aasman ka koi kona odhkar so jaye... Manzil abhi bahut door hai Chalo in raston ko hi apna ghar banaye... RA

Guru  Purab Di Lakh-Lakh Mubaraka... Aaj da din Baba Nanak ji de naam hi raha... Gurudware wich mattha teka... Gurbani suni... Prasada chakka... naam simran kitta...   ........  Jholi failakar yahi manga hai Rab se Ki tujhe khushiyaan-pyaar mile sab se... Har qadam par jaise saikadon gulab gire Ki tujhe qamyabi mile har safar se....

Woh pyar wale din... woh takrar wale din... Jab hum ek dusare se khafa honge, Ek bistar par honge par juda honge... Din mein Naaz ke haaton tumhara khana bhijwana Mera mana karte hue usko office se wapas bhej dena... Raat mein fir tera GuNn ke haaton bhojan ki thali lagwana Mera tabiyat kharab hai bahana kar Dining Table se utha jana... Bistar par tera raat mein aakar aansoo bahana, Mera be-mann se rone ki wajah puchana... Tera mujhpar hi ilzaam lagana... na khana, khane par bataein sunana... Mera tujhse puchana ki "kya tune khana khaya" GuNn n Naaz ko khilaya... Tera kehna bacchon ko khana khila diya... Maine abhi tak nahi khaya... Mera tujhe manate hue kitchen le jana... ek hi thali mein dono ka khana khana... Bas ek-dusarein ki bewakufiyon par muskurana... Fir bacchon ko bahaon mein bhar kar so jana... RA

Naukari...  Koi aisi... jo rooh ko sukun de... bas karne mein dil khush ho jaye, jhoom jaye... Baat salary ki nahi hai... bas koi aisi jagah, aise log, sanskari... jinke saath kaam karke, rehkar bas rooh ko sukun mile... pata nahi kahan hai woh dream job... india mein ya fir india ke bahar... Khud ka business... itna investment nahi hai... na hi main koi aisi personality hoon jo 1 lakh se 100 crores bana sake... Dekhate hai... aage kya hoga life mein...

Oye... Subah jab milta hai to tu bahut shant-shant milta hai... Koi sannata tujhmein pasara rehta hai... Shaam ko jab milta hai to bahut angadaiya leta hai... bahut toofan machalte hai tujhmein... leharein khelati hai tujhse... Oye Sagar... Tu bhi mere jaisa hai.... #Romil Arora

Ki dil ki sune  Ya Dimaag ke saath chale... Na jaane kab honge aise haalat ki dono saath-saath chale... Kabhi tum khafa Kabhi hum khafa Na jaane kab hum dono haathon mein haath thame saath-saath chale...  Idhar bhi tanhai Udhar bhi udasiyaan Na jane kab mausam badale' baharein saath-saath chale...  RA

Raigarh... Aaj to saala pura Raipur hi ghumate rahe... Naya Raipur... Purana Raipur... Ghum-Ghum ke thak se gaye... Itna kaam... Anyway... Raigarh... Raigarh... Jidhar dekho udhar Jindal hi Jindal... Raigarh mein bas Jindal hi Jindal nazar aata hai... Jindal cement, Jindal Factory, Jindal School, Jindal Hospital, Jindal Airport, Jindal Research Centre, Jindal stadium, Jindal parks...pehli baar maine Train ko kisi factory ke andar jaate dekha, train mein material load hote dekha... Aisa lag raha tha jaise poore Raigarh shehar ko Jindal ne kharid liya ho...Sach hai Raigarh mein development to hua hai... Yeh bhi ho sakta hai ki development ke peeche kaiye aarop-patyarop ho... Anyway... maire bhi khawaish hai ek Shehar basana chahiye... zindagi mein ek shehar ka to development karna chahiye... Koi chahe to ek village ki jimmedari le... magar jimmedari laini chahiye... Agar Allah ne kabhi mujhe itna Rupiya diya to main jarur ek shehar ka development karna jahunga... ek shehar ki jimmedari l...

Na apni khabar hai, Na main tera pata rakhta hoon, Na raste ki khabar hai, Na main manzil ka pata rakhata hoon, Har waqt rehta hoon safar mein, Juban pe tera naam rakhta hoon.... Log kehte hai main mohabbat ke nashe mein rehta hoon.... RA

SHIRDI... Shri Sai Baba ki palki... Shirdi mandir mein raat mein Sai Baba ki palki nikali jaati hai... Palki ke samay jo Mandali nritya karti hai... Woh outstanding hota hai... woh drum ki aawaz... woh dance... woh face ke impression... woh face par smile.... woh enery... woh group dance sab kuch outstanding lagta hai... Mera bhi dream hai ek baar hi sahi... magar us mandali ka hissa hona chahiye... woh Sai Baba ki palki ke samay... RA...

ज़िन्दगी गुज़र गई एहसासों को कागज़ पे उतारते-उतारते अब समझ नहीं आता इन रद्दी के ढेरों का क्या करें? आँखों से बहते रहे बिना कसूर ही आँसू  अब समझ नहीं आता इस लावारिश बारिश के पानी का क्या करें? RA