BOOK OF LIFE

Pyar to bahut hain tujhse par kabhi kisi se na kahenge Tu rahe kisi ki bhi kabhi shikwa na karenge... *** Apne armaan sabhi apne mann mein hi rakhenge Tujhe door se dekhenge kabhi tere pass aaya na karenge... *** Chand, taaron se puch liya karenge haal tera Khuda se teri khushiyon ke liye dua kiya karenge... *** Jo itefaaq se mil gaye kahi par hum Nazre tujhse chura liya karenge... *** Jal jayenge hum teri yaadon ki aag mein kabhi tujhse gila na karenge... *** Pyar to bahut hain tujhse par kabhi kisi se na kahenge... - Sun

ab aaogi to kis haq se aaogi ab meri zindagi mein aaogi to kis haq se aaogi... kya apni bewafai ke liye mere qadmo mein sar jhukaogi... ab aaogi to kis haq se aaogi... khoobsurat chehare wali tasveerein laga lene se kya haasil hoga kya mere dil mein apne liye wahi mohabbat, wahi samman, wahi shraddha jaga paogi... ab aaogi to kis haq se aaogi... maa chali gai... pita ji chale gaye... main na-qamyaab raha... raaton mein chup-chup ke roya... kamre ke kinaro mein dubak-dubak kar soya... kya apni mohabbat se meri beeti zindagi ki baatein bhula paogi... ab aaogi to kis haq se aaogi... main jaankar tumse baat nahi karna chahta apni garibi... apni majboori... apni behzati... apni haar ko yaad nahi karna chahta ab kis wajah se rishta nibhaogi... ab aaogi to kis haq se aaogi... na is dunia mein na jannat mein na kisi janam mein tum mujhe pa paogi... ab aaogi to kis haq se aaogi... - Sun

agar bhagwan ko sacchi tarah janna hai to is dunia mein ghumo... ya fir kisi ped ke neeche dhyan laga lo...  main duniya mein ghum kar, alag-alag logon se milkar bhagwan ko samajhana chahta hun...  ek taraf kuch dharm ke log hai jo parde mein rehte hai aur ek taraf kuch aise dharm ke log bhi hai jo nirvasth (bina vastron ke) rehte hai...  ek dharm ke log non-vegetable khana jyada pasand karte hai to koi dharm ke log pyaaz-lehsun bhi nahi khate hai...  kisi ke liye pathar mein bhagwan hai to koi sirf uska naam hi lekar usko pana chahta hai... alag-alag logon... alag-alag dharm se mile to aapke liye is us Rab... Ishwar... Parmatama ki chhavi aapki nazar mein aur vishal hoti jayegi... jiski koi seema nahi hai... woh ishwar ananth hai... usko kisi dharm mein nahi bandha ja sakta hai...

meri zindagi ka yahi sabse bada sach hai... ki main Maa ka gunehgaar hun... - Sunny

Mujhe maa se itni mohabbat hai... Khayal bhi jo aaye maa ka... To aankh bhar jaati hai... - Sun

mudda yeh nahi hai ki tum bewafa ho ki main mudda to yeh hai... jo waqt barbaad hua hai uska jimmedaar kaun hai... - Sun

umar guzri hai bas isi talash mein apni kabhi naaz ko sultan na mila kabhi sultan ko naaz nahi mili.   - Sun

34 ki umar bhi paar ho gai hai... aankhon ke neeche kaale dhabbe ho gaye hai... sar se apne... baal bhi kuch kam se ho gaye hai... ab seediyan chhado to... ghutane dard karne lagate hai... jawani bhi bistar par pehle jaisi angadai nahi leti hai... Lagta hai miya, Romil Bhudda gaye  hai... Bhudapa aa gaya hai... hehehehe - Sun

Chalo aaj yaadon ka maatam manate hai... Gum ki barsaat mein bheeg jaate hai... Palkon ko aansuoon se bhigho kar Tumhein apne ishq-e-daur ki kahaniyaan sunate hai... Chalo aaj yaadon ka maatam manate hai... Bewafa tum the ya Bewafa hum the koi paimana to pehle taye karo fir khulkar ek dusare pe ilzaam lagate hai.... Dekho.... Aisa na ho ki main sach bolu Aisa na ho ki main sach bolu aur rishte toot jaye... aksar... dil ke chor hi sacchai pe chikhate hai... chillate hai... - Sun

Ab is modh pe lai hai zindagi mujhko, Woh aa bhi jaye meri zindagi mein to... aaye na karna pyar mujhko... - Sun

Zamane ho gaye… haaton mein rang lagaye Chehare ko gulal se sajaye… DJ par thummak lagaye… Sadko par mandali sajaye… Gujiya khaye… Jaleba, Papad khaye… Naaz ke sang Holi manaye… Maa ke sang Holi manaye… Sunny

MAA ka birthday...