World Famous Short Stories – Log

World Famous Short Stories – Log

Kolkata ki galiyan, wahan ki mithai, saree aur purane makano mein dher saari yaadein. Kolkata shehar khud mein ek sanskriti, ek shabyata, ek sanskaar samethe hue hai. Bahut khud dekha hai in Kolkata ke makano mein.

GUNNnoorie makaan ki khidki pe khadi logon ki baatein sun rahi thi.

“10 saal ka fark hai ladka-ladki mein… ladki 10 saal badi hai…”

“chehare se itni khoobsurat nahi hai, Khargosh jaise do daanth aage nikale hue hai…. ladka hi latoo hua firta tha peeche”

“maine to suna hai ek Beta bhi hai shaadi-suda umar wala… ohhh kaali maa, Bete ki Baraat ke badle khud hi Doli saja rahi hai Amma”

“Pote khilane ki umar mein ab kya apne bacche khilayegi”

“Ladke se keh do raat mein thoda dheere kare kahi aisa na hi ho Budhiya ki qamar nachak jaye, haddiya toot jaye… hehehe”

"Yeh bemail jodi jyada din nahi chalegi, dekhana hafte bhar mein hi rang dikhane lagegi"

Tum sun rahe ho RAJnoor… Sun rahe ho RAJnoor… Zor se GUNNnoorie chillate hue. Aakhir kya kar rahe ho?

RAJnoor… Bed pe gulab ke phool bicha raha hu…. GUNNnoorie boli tumko phool ki padi hai yahan mein kaanton se lipti hui hun… RAJnoor bola akele insaan ko sub kuch apne aap hi karna padta hai… Maine to Badam wala dudh bhi bana liya hai… Is dudh mein Badam hai, Kesar hai, Shilajeet hai… Tum bhi piyo… haahaha…

GUNNnoorie ne kahan, RAJnoor shut up…. Yahan main logon ki baatein sun-sunkar jail ja rahi hu aur tumko pyar ki padi hai…

RAJnoor bola tumne apne zamane ka ek mashoor gana suna hai… Kuch to Log Kahenge, Logon ka Kaam Hai Kehna… Chhodo yeh Bekaar ki Baaton ko Kahi Bheegh Na jaye Raina”… Maine bachpan se aajtak kabhi kisi ki baatn ki parwah nahi ki hai jo kiya hai Rab se puch kar faisala liya hai… Isliye tum bhi logon ki baaton ko chhodo aur khush raho aur is din, is raat ko khushnaseeb bana do….

After 15 Days…

RAJnoor zor se bola, tumko kya lagta hai GUNNnoorie tum mujhse umar mein badi ho to sirf isliye tumhari har baat sahi ho… roz-roz mujhe apni advice dena band karo…

Saala, Sehad chakhane ke chakkar mein madhumakkhi ke chatte mein mooh maar liya… Aajkal log apne yahan LED lights lagwate hai aur maine apne zindagi mein 60watt ka ordinary Bulb laga liya… Zindagi narak ho gai hai…

GUNNnoorie boli mujhe bhi aisa hi lagta hai zindagi narak ho gai hai… Shayad humne ek-saath hone ka faisala karke galat kiya… 

Log theek hi kehte the…