World Famous Short Stories – Kundali

World Famous Short Stories – Kundali

RAJuddin, Lakhnav mein Gomti Nadi ke kinare baitha baitha apna left hateli dekh raha tha, left hateli mein use ek trishul bana hua dikha aur ek kamal ka phool bana hua dikha aur saath hi saath L, V, M, W aur A akshar bane hue dikhe. Socha chalo aaj bhagya pandit se puchate hai, Kham-kha 500/- rupiya lag jayega is garibi mein…. Yahi sab sochate hue pahuch gaya pandit RamShankar Sharma ke pass.

Ghar pahuch kar ganti bajai to Pandit ji ki patni bahar aai aur boli Pandit Ji pooja mein hai abhi thoda intezaar karna padega. Rajuddin baith gaya intezaar karne waise bhi khali insaan ko waqt ki kya kadar. Kareeb ek ghante baad RamShankar Ji aaye aur Rajuddin ki our isshara karte hue bole aa jaiye kamre mein aur apni Patni se bole ki Do Chai to bhejana kamre mein. RAJuddin pehle hi Panditani ke haaton ki Do Chai pee chukka tha aur Gupshup kar chuka tha.

RamShankar bole bolo kya baat hai. RAJuddin bola bas mann nahi karta hai kuch bhi karne ko Na naukari, Na Business, Na Rupiya-Paisa kuch bhi nahi bas idhar-udhar ghumata rehta hu ya fir so jaata hu. 

Pandit Ji bole apna naam, apni Janamthithi batao. 

Rajuddin bola naam Rajuddin aur Janamthithi 03rd August 1982… 

Samay batao… 

11:20 pm ratri ke… 

Janamisthan bolo…

Lucknow Shehar.

Kuch dair Kundali dekhane ke baad bole Chand 10th Ghar mein hai thoda Mann ashant rehta hoga. Parantu aisa kuch Kundali mein dosh nazar nahi aa raha hai. Rahu 3rd ghar mein, Ketu 9th Ghar ke yog se Kalpsarp Yog to banta hai parantu Yeh Kalsarp Yog pareshan karne wala nahi hai isliye chinta ki koi baat nahi. Tumhari Kundali mein Rajuddin Naukari, Rupiya, Business, Makan ki koi dikkat nahi hai. Asali dikkat hai Istri ki. Tumhara Sukr 3rd Ghar mein Rahu ke saath baitha hai aur Mangal 07th ghar mein hai, par saath mein Brehsapati bhi 07th ghar mein hai, Isliye Mangal Dosh nahi banta. Asali dikkat hai Istri ki hai, Sukr aur Rahu ke yog ki.

RAJuddin bola Istri ki..

Pandit Ji bole tumhari zindagi mein kam se kam 15 Istri ka yog hai. 06-07 vivahit aur 06-07 kunwari Istri. Rajuddin zor se hans pada. Pandit Ji bole hanson mat yeh sach hai. Ab bolo kitni Istri aa chuki hai zindagi mein. 

RAJuddin bola bahut pareshan hun kyunki jaib mein rupiya nahi hai aur bank balance khatam hone ko hai, naukari ko mann nahi karta hai, isliye aapse jhoot nahi bolunga. Log phone karke naukari ke liye bulate hai magar mann hi nahi karta naukari karne ka. Jhoot nahi bolunga aapse. Dimaag ek dum khali ho chuka hai. Sach hai bahut si mahila aai hai, magar mein kisi ke saath nahi juda, sirf ek ko chhod kar. Bahut si mahilao ne sharirik samband bhi banana chaha magar mein nahi taiyaar ho saka.

Tab tak panditani Chai lekar aa gaye.

RAJuddin bola ek istri hai pishaj, chudail ki tarah chipta rakha hai uske chakkar mein kisi aur ki taraf dekh bhi nahi pata, jabki kai mahilao ne khula aafar diya.

Chai peete hue RAJuddin bola… Samaj nahi aata ki woh istri aakhir chahati kya hai. Usi ke chakkar apni mein zindagi kharab ho chuki hai. Samaj hi nahi aata ki aakhir woh istri chahati kya hai, GUNNfatima naam hai uska. 

RamShankar Pandit bole aisa karo tum Vivaah kar lo, tabhi jeevan sukhi hoga, ladki main bata deta hun. Meri nazar mein ek ladki hai, sushil si, ghar-parivar wali. Vivaah karwa deta hai tumhara. 

RAJuddin bola Vivaah to karlunga magar isbaat ki guarantee nahi de sakta ki zindagi nibha payunga uske saath. Pata nahi ek darr sa rehta hai.

Pandit Ji bole thode din soch lo main 1-2 mantra likh deta hun, tum subah ya shaam 108 baar iska jaap karna aur Shiv Ji ki pooja karna, Shivlinga pee jal chadhana aur ratna likh diye hai usko bhi usi anusar dharan karna. Chalo apna naam, paata, mobile no. sab is register pe likh do. 

RAJuddin bola ek cup aur chai milegi, Madam bahut aachi chai banati hai. RAJuddin pehle hi baatein karte-karte teen chai pee chuka hai. Pandit Ji, haan-haan kyon nahi abhi chai banwata hun, sunti ho ek cup Chai aur laana. 

Chai peene aur register bharne ke thodi dair baad RAJuddin ghar chala gaya.

Agale Din…

RAJuddin ke phone pe…

Aap RAJuddin bole rahe hai. Kisi istri ki aawaz thi.

Haan…

Main Pandit RamShankar Ji ke yahan se bol rahi hun unki Patni. Aap kal subah ghar aa jana Pandit Ji kuch aur Mantra aapke liye likh gaye hai aap mujhse aakar le lena.

RAJuddin bola theek hai kal ghar aa jayunga.

Agale Din RAJuddin pahuch gaya Pandit Ji ke ghar aur ghanti bajai.

Panditani bahar aai aur boli andar aa jao.

RAJuddin andar gaya aur kamre mein baith gaya aur pucha Pandit Ji kahan hai.

Panditani boli Pandit Ji Allahabad gaye hai Ganga nahane, 2 din baad aayenge. Main abhi aati hun. 

Kuch samay baad Panditani kamre mein Chai lekar aai aur RAJuddin se baatein karte-karte kehne lagi, tum mujhe bahut aache lagate ho, tumhari muskaan bahut sacchi hai… Tum pehle insaan ho jisne pehli baar meri Chai ki itni taarif ki hai… Pandit Ji ne to ek baar bhi nahi ki aur yeh kehte hue Panditani, RAJuddin ke aur kareeb aa gai.

RAJuddin muskurane lagata hai aur use Pandit Ji ki kahi hui baat yaad aa jaati hai… ki “Tumhari zindagi mein kam se kam 15 Istri ka yog hai. 06-07 vivahit aur 06-07 kunwari Istri…”

Kuch hi pal mein RAJuddin apni muskurate liye, apne left hateli ko dekhate hue ghar se bahaar nikal gaya...