World Famous Short Stories – Teen Chittiyaan

World Famous Short Stories – Teen Chittiyaan

Canada ki rooh mein Punjabiyat basi hui hai. Aisa lagta hai ki bas Punjab ka hi koi Pind ho Canada aur jaise Babu Ji pucche Charanpreet kitthe hai? aur Bebe aawaz laga kar kahe “Kudi, Kaneda gai hai subah tak aa jayegi, tussi pareshan mat ho” Yeh rishta hai Cananda ka Punjabiyon se.

RAJpreet Singh, Canada mein Dashmeshpita Gurudware mein mattha tekane gaya tha. GUNNsharan Kaur bhi uske saath thi. GUNNsharan, RAJpreet ka pyar tha pichale 11 se. Aaj GUNNsharan kehna chah rahi thi ki RAJpreet “mere naal viyah kar le, yeh sindoor meri maang mein bhar de” woh RAJpreet ke pass aai, woh janta tha ki GUNNsharan ke mann wich ki hai. RAJpreet bola main Gurudware wich hu, jhoot nahi bolunga, tere woh lafz sunne se pehle jo main 11 salon se sunna chah raha tha usse pehle main apni in Teen Khaton ka jawab tusse chahta hun. Yeh kehte hu, safed fhatte se lifafe mein rakhe usne teen chittiyan uski aur bhada di. GUNNsharan ne un khaton ko khola aur padane lagi.

“Pehli Chitti…

Meri Apni Pyari GUNNsharan,

Jab Bebe hospital mein thi tab tune ek baar bhi phone karke yeh nahi puchana munasib samjha ki “Bebe ki tabiyat kaisi hai?” Agar tum bas yeh do-chaar shabd hi puch leti to mere liye khafi thi. 

“Bebe ne khana kya khaya?” “Khana kisne banaya Bebe ke liye” 

“Bebe nu davai de detti” 

“RAJpreet, Bebe ki sabhi reports mujhe scan karke bhej do main usko apne husband, jo doctor hai unko dikha kar consult karke tumko actual situation bata dungi” 

Tumne do saal mein ek baar bhi nahi pucha Bebe ka haal. Pata nahi kyon? Main iska jawab nahi janta, bas itna janta hu jo kiya accha nahi kiya.”

“Dusari Chitti…

GUNNsharan, mujhe asha hai ki tum bahut aachi, khushi ke saath aur sukhi hogi. 

Zara mujhe yeh to batao ki mere khilaf shadyant rachane, saazish rachane ke liye tumko kitna rupiya mila. Meri mukhbiri karne ke liye tumko kitna rupiya mila. Tum agar ek baar keh do to main khushi, khushi maut ko sweekar kar lu. Fir yeh shadyant, yeh saazish rachane ki kya jarurat thi. Rupiya ke liye? Tum kehti to main tumko rupiya de deta, Agar rupiya nahi de pata to zindagi bhar tumhari dono charan dabata, tumhari jutti dho-dhokar peeta, tumhara toilet saaf karna, jis bartan mein kutte khana khate hai usne khana khata. Zindagi bhar tumhari ghulami karna. Par tumne yeh sazish, yeh shadyant kyon racha. Pata nahi kyon? Main iska jawab nahi janta, bas itna janta hu jo kiya accha nahi kiya.”

“Teesari Chitti…

GUNNsharan mera pyar, mujhe maaf karna. Maine hi tumse kuch jyada hi aasha laga rakhi thi, mujhe maaf karna. Maine bahut jyada tumse khawaish laga rakhi thi. Mujhe maaf karna. Main sochata tha tum meri sirf ek patni nahi, ek premika bhi banogi, ek mitr bhi banogi, ek salahkaar bhi banogi. Hum ek plate, ek chammach, ek katori mein hi khana kha kar khush rahenge. Hum ek bistar, ek takiye par bahon mein bahein daalkar zameen par hi so lene. Tum sirf khush rahogi. Tum sirf mere saat rahogi. Mujhe maaf karna, shayad maine hi tumse kuch jyada apeksha laga rakhi thi. Maine socha tha tum sirf Bebe ki Bahu nahi, Beti bhi banogi. Bebe ko daant kar davai khila diya karogi, unko apne haaton se juice pilaya karogi. Mujhe maaf karna, shayad maine hi tumse kuch jyada chahat rakh li thi.”

Teeno Chittiyaan padane ke baad GUNNsharan Kaur boli… RAJpreet main aajse tumko itna pyar dungi ki tumko kabhi bhi mujhse in Chittiyon ka Jawab lene ki jarurat nahi padegi. 

RAJpreet bola, Gurudware mein hun, jhoot nahi bolunga, is sindoor ko yahi fheekh de, yeh waqt hi the kar payega ki main tumko kabhi maaf kar payunga ki nahi. Ek baat aur GUNNsharan main tere siva kisi se Viyah nahi racha payunga. Mujhse nahi hoga.