World Famous Short Stories – Accidental Love

World Famous Short Stories – Accidental Love

Mere husband doctor hai kahi aisa na ho ki woh unki help mang le. Kahi woh unpar hospital ke bills mein discount dilane ke liye hospital management se baat karne ka pressure na banaye. In garib logon ka koi bharosa nahi, yeh bhi to ho sakta hai woh rupiyon ki help maang le. Aur agar woh marr gaya to karm-kaand ka sab kharcha humko hi na karna pade. Aajkal kisi ka marna bhi kitna mehanga ho gaya hai.

Yeh sab badbadate hue GUNNfigo ne apne laptop ko band kar diya. 

Italy ke hospital mein udhar RAJnigo apne Daaye Pair ke Plaster par sketch pen se likhate hue Rab ka sukriya keh raha tha. RAJnigo keh raha tha “Sukriya Rab aapne mera accident karwa diya, ab to GUNNfigo jarur mera haalchal puchane aayege, woh itni kathoor to nahi ho sakti, jarur aayegi” 

Pichale 11 salon se RAJnigo ne GUNNfigo ko nahi dekha tha bas internet par chatting se hi baat karte the. GUNNfigo, RAJnigo ke Blog par bhi aksar comments karne aati thi. 

GUNNfigo jab aayegi to main haq se use kahunga ki agale din ka nasta, dopahar ka khana aur raat ka khana sab tumhare hi haaton ka bana hona chahiye. Haq se kahunga subah ke naste mein aloo ke parate, dahi ke saath, din ke khane mein palak-paneer aur raat ke khane mein kheer jarur honi chahiye. Aur haq se uske haath se apple kheelkar khaunga. Rab ne mera accident karwakar accha hi kiya.

RAJnigo ko GUNNfigo ka intezaar karte-karte hafta beet gaya. Hospital ne usko Discharge Card aur Bills pakda diye. RAJnigo aankhon mein aansoo bharkar intezaar liye apne office chala gaya, woh ghar nahi gaya.

Idhar Italy ke ek kone mein Office mein baithe-baithe woh apne Blog pe likhate rehta aur sochta rehta kaash aaj to GUNNfigo ka phone aayega aur woh mera haal-chal puchegi aur main jhoot-muth hi usse baatkarne se mana karunga, usko khoob khari-khoti baatein sunauga.

Udhar Italy ke dusare kone mein GUNNfigo yeh intezaar kar rahi thi ki kisi tarah 3-4 mahine beet jaye tab main RAJnigo se Chat karu, Comments karu. In garib logon ka koi bharosa nahi kab mooh kholkar kuch bhi maang le.

Teen mahine baad RAJnigo ka Plaster kat gaya aur uske hi kuch dino ke baad GUNNfigo ka RAJnigo ke Blog par comment aaya aur GUNNfigo ne usse ek aur jhoot bol diya. RAJnigo fhir uske jhoot mein fhas gaya aur usse pyar karta raha.