Ishq-e-kitab...

Yeh jo Ishq-e-kitab... iske sab panne bikhar se gaye hai...
Samaj nahi aata kaun sa sira kisse jodun...
Ek hi chehare ke kai naam hai...
Kai log ek hi naam se milte hai mujhse...
Sach chhupa sa hua hai... Ek jhoot ko chupane ke liye dusara jhoot bola ja raha hai...
Ek kadi mein nahi bandh pa rahe hai yeh sab panne...

Yeh kaisi ishq-e-kitab hai... jahan dil apne mehboob se sach bolne se darta hai...
Jisme sirf haasil kar lena hi mohabbat hai...
Jisme sirf jitane ka hi junoon hai...

Aisa lagta hai Satya, Tyagh, Samarpan ke panne jaane kahan kho gaye hai...
Waafa ka to door-door tak naam-o-nisha nahi hai...

Yeh ishq-e-kitab adhuri hai...
iske kai panne sanam ke pass hai, jo mujh tak pahuchane abhi baaki hai...

Waqt kam hai... Kitab adhuri hai... dafan na ho jaye kahin yeh kitab... bas is baat ka darr hai....

RRSA