na jaane zindagi se woh din kahan choo mantar ho gaye

Romil, na jaane zindagi se woh din kahan choo mantar ho gaye

jab hum parivar sang angam mein charpai bicha zor-zor se hullad machaya karte the
ab to hasane-muskurane ke liye comedy show ka sahara lena padata hai...

apne vivek, apni buddhi se na jaane kitne sawaal suljha diya karte the
ab to ek chhote se sawal ke jawab ke liye kitabon ka sahara lena padata hai...

apni chahat-bhavnao ke anusar kamre ka huliya badal lete the
ab to kamra saaf karne ke liye bai ka sahara lena padata hai...

bimar ho... to bistar par lete hue shayari kiya karte the, kitabein pada karte the
ab to swastha-tandurusti mein bhi kuch bhi padane-likhane ke liye samay nikalna padata hai...

bhor mein... thandi-thandi hawan-suraj uday ka maza lene ghar se nikala karte the
ab to neend se jagane ke liye alarm ka sahara lena padata hai...

na jaane zindagi se woh din kahan chale gaye...

ro+mil