Garibi... Mein bhi anand hota hai...

Garibi... Mein bhi anand hota hai...

Mujhe bachpan se sangeet sunne ka bahut shauk tha... bahut mann sangeet seekhane ko bhi karta tha magar  ghar ki paristhitiyon ki wajah se sheekh na saka...

ek to subah jalti utha kar office jana padta tha, fir padai bhi karni hoti thi.... tuition ke liye rupiya hi nahi hota tha... isliye khud hi padna hota tha... cycle se office aane-jane mein bahut thak bhi jata tha... television dekhane ko samay hi nahi milta tha... office computer mein sound system bhi nahi tha... ghar ke sound system par bhai ka kabza rehta tha... 

in sab problem ke beech maine ek rasta nikala... socha jo 2 hrs. cycle chalane mein lagata hoon... kyon na us samay sangeet sunna jaye.... woh samay walkman ka tha... walkman purchase karna chahta tha par rupiya nahi hota tha... isliye ghar se office tak ek haath mein radio pakad kar, sunnate hue jata tha... kitna romantic lagta tha is haath mein radio pakad kar cycle chalana.... us samay sangeet sunne mein anand aata tha...

aaj ipod hai, walkman hai, mobile hai, laptop hai, tablet hai magar us tarah passionate hokar sangeet sunne ko mann hi nahi karta...